Gəncədə Azərbaycan Dövlət Aqrar Universitetində şəhidin xatirəsi anılıb. Bu haqda 2 aprel tarixində Kəpəz televiziyasına istinadən xəbər veririk.
Təhsil ocağında şəhid olan qəhrəmanlarımızın xatirələrinin əbədiləşdirilməsi məqsədilə yeni layihəyə start verilib. Universitetin mühəndislik fakültəsinin şəhid məzunu Rəvan Daşdəmirovun xatirəsinə həsr olununan film hazırlanıb.
Filmin təqdimatında şəhidin ailə üzvləri, döyüş yoldaşları, universitet rəhbərliyi və tələbələr iştirak ediblər. Ekran işində şəhidin döyüş yolundan, Vətən müharibəsində göstərdiyi şücaətdən söz açılıb.
Qeyd edək ki, layihə çərçivəsində universitetin digər şəhid məzunlarının ailələri, dostları, döyüş yoldaşlarının iştirakı ilə sənədli filmlər hazırlanır.
