Gəncədə kinoteatr sahəsində yenilik tətbiq ediləcək. Bu haqda Gencexeber.az-a 22 aprel tarixində məlumat daxil olub.
Şəhərimizdə “Avtocinema” fəaliyyətə başlayır. Burada sakinlər filmləri kinoteatrda yox, öz avtomobillərində izləyəcəklər. Kinolar türk və ya rus dilində nümayiş olunacaq. Hər avtomobil üçün (adam sayı önəmli deyil) biletin qiyməti 10 manat təşkil edir.
İlk seans 24 aprel tarixində saat 20:00-da baş tutacaq. Əlavə məlumat üçün (050) 581 11 34 nömrəsi ilə əlaqə saxlamaq olar.
Kinoteatr Abbas Səhhət küçəsində (Təzə Bazar) yerləşir.
Qeyd edək ki, bundan başqa, yaxın zamanda açıq havada kinoteatr da təşkil olunacaq. Sakinlər puflar üzərində əyləşərək film izləyə biləcəklər.
