Gəncədə beynəlxalq olimpiada təşkil olunacaq. Bu haqda 30 mart tarixində Gəncə Dünya Məktəbinə istinadən məlumat veririk.
Dünyada ilk dəfə “Türk Beynəlxalq Riyaziyyat Olimpiadası” (Turkic International Mathematical Olympiad - TİMO) baş tutacaq. Bilik yarışında 3–11-ci siniflərin şagirdləri iştirak edə bilərlər.
Nizami yurdunda sözügedən olimpiada 21 aprel tarixində keçiriləcək. TIMO-nun məqsədi Türk dövlətlərində təhsil alan şagirdlərin riyazi istedadını ortaya çıxarmaq, Türkiyə və Avropanın prestijli universitetlərində təhsil almalarına şərait yaratmaqdır.
İştirakçılar əldə etdikləri nəticəyə uyğun olaraq, qızıl, gümüş və bürünc medallarla təltif olunacaqlar. Olimpiadada uğur qazanan məktəblilər Türkiyənin İstanbul şəhərində keçiriləcək final mərhələsində ölkəmizi təmsil edəcəklər.
Qatılmaq istəyən şəxslər aşağıdakı link vasitəsilə qeydiyyatdan keçə bilərlər:
İştirak haqqı 26 manatdır. Son müraciət tarixi 19 apreldir.
