Gəncə şəhərindəki Şəhidlər xiyabanında naməlum şəhid kimi dəfn edilmiş Birinci Qarabağ müharibəsində itkin düşmüş şəxsin meyitinin qalıqları Ucar rayonuna aparılıb. Bu haqda 22 may tarixində Report-a istinadən xəbər veririk.
Şəhid hesab olunan Şöhrət Telman oğlu Nuriyevin nəşi rayonun Əlikənd kəndində ailəsinə təhvil verilib. Hazırda kənddə şəhidlə vida mərasimi keçirilir.
Qeyd edək ki, Şöhrət Telman oğlu Nuriyev 17 iyun 1969-cu ildə Ucar rayonunun Əlikənd kəndində anadan olub. O, 1993-cü il aprelin 14-də Kəlbəcər rayonunun Murov istiqamətində itkin düşüb.
Ş.Nuriyev Əlikənd kənd qəbiristanlığında dəfn olunacaq.
