Gəncədə şəhər sakini bıçaqlanıb. Bu haqda 26 yanvar tarixində Apa-ya istinadən xəbər veririk.
25 yanvar saat 22 radələrində şəhər prokurorluğuna 38 yaşlı Vasif Həsənovun bıçaqlanması ilə bağlı məlumat daxil olub. Araşdırma zamanı 28 yaşlı Yaqub Həsənovun zərərçəkmişlə mübahisə zamanı kəsici-deşici alətlə xəsarət yetirərək onu qəsdən öldürməsinə əsaslı şübhələr müəyyən edilib.
O, polis əməkdaşları tərəfindən saxlanılaraq istintaqa təhvil verilib. Hazırda ibtidai istintaq davam edir.
Vasif Həsənov xəstəxanaya yerləşdirilib. Lakin onun həyatını xilas etmək mümkün olmayıb.
Qeyd edək ki, mərhumun 4 övladı qalıb. Bildirilir ki, o, yas çadırlarının kirayə verilməsi ilə məşğul olub. Onun qətlinə səbəb olan mübahisə isə borc səbəbindən baş verib.
