Gəncə sakini dələduzluğa görə saxlanılıb. Bu haqda 19 fevral tarixində DİN-ə istinadən məlumat veririk.
Hadisə Naftalan şəhərində qeydə alınıb. Bununla bağlı şəhər Polis Şöbəsinə müraciət daxil olub. Rusiya Federasiyasının vətəndaşı K. Qafurova fevral ayının 12-də onu Bakı şəhərindən Naftalan şəhərində yerləşən sanatoriyaya gətirən şəxsə valyuta mübadiləsi etməsi üçün 100.000 rus rublu məbləğində nağd pul (1820 manat) verib. Lakin zərərçəkmişin sözlərinə görə, sürücü pulu geri qaytarmayıb.
Məsələ ilə bağlı polis əməkdaşları əməliyyat keçiriblər. Nəticədə Gəncə şəhər sakini Rövşən Bağıyev saxlanılıb. O, Qafurovanın etibarından sui-istifadə edərək, ona qarşı dələduzluq etməkdə şübhəli bilinir.
Faktla bağlı araşdırmalar davam etdirilir.
