Rusiya-Ukrayna müharibəsində daha bir gəncəli həyatını itirib.
Gencexeber.az-ın məlumatına görə, Rusiya ilə Ukrayna arasında davam edən silahlı münaqişədə şimal qonşumuz tərəfindən müharibəyə cəlb olunan Gəncə şəhər sakini, 1984-cü il təvəllüdlü Ruhin Museyibov vəfat edib.
41 yaşlı soydaşımızın nəşi artıq Gəncəyə gətirilib və Səbiskar qəbiristanlığında torpağa tapşırılıb.
Mərhum evli olub, iki övlad atası idi.
Qeyd edək ki, son aylarda Rusiya-Ukrayna müharibəsində həyatını itirən azərbaycanlılarla bağlı qeydə alınan növbəti hadisədir. Onların arasında iki Gəncə sakininin adları da var - 37 yaşlı Şahmar Mustafayev və 39 yaşlı Anar Quliyev.
