Rəşid Behbudov adına Mahnı Teatrında Azərbaycan Aşıqlar Birliyinin və Tovuz Xeyriyyə Cəmiyyətinin birlikdə ərsəyə gətirdikləri Mikayıl Azaflının 100 illik həyatına həsr edilən tədbir baş tutub.
Mikayıl Azaflı o xoşbəxt sənətkarlardandır ki, ölümündən sonra da həyatı bitmir, davam edir. O sənətini və sözünü həyatının ağrısı-acısı bahasına alçaq siyasətin itaətinə verməyib. Hamının yaşasın Lenin, Stalin dediyi sovet dövründə sovet demaqogiyasına uymayıb sadə xalqın ürəyinə yağ kimi yayılan həqiqəti yazıb:
Əlimizdə zorba çomaq,
Başımızda motal papaq,
Ağ şalvarda qara yamaq
Kommunizmə gedirik biz.
Mikayıl Azaflı saz havalarının yaşamasında, yaradılmasında, inkişaf etdirilməsində əvəzsiz xidmətləri olan sənətkardır.
Qoca qartal, nə gəzirsən
Dağlar qoynunda-qoynunda.
Bala gördüm anasının,
Ağlar qoynunda-qoynunda.
Mikayıl Əzaflı sadə və dərin ozan olub. Bu dərinlik və sadəlik dünənki tədbirdə də özünü büruzə verdi.
Aşıqlar Birliyinin sədr müavini Mübariz Məsimoğlu
