Gəncədə 2023-cü il üçün restoran dövriyyəsi açıqlanıb. Bu haqda 9 fevral tarixində Fed.az-a istinadən məlumat veririk.
Gəncə şəhər Statistika İdarəsi restoranların dövriyyəsi ilə bağlı göstəriciləri paylaşıb. Bildirilib ki, ötən ilin yanvar-dekabr aylarında ictimai iaşə dövriyyəsinin həcmi əvvəlki ilin eyni dövrü ilə müqayisədə 15,2 faiz artıb. Vəsait 42 milyon 253,7 min manat təşkil edib. Onların 41 milyon 861,1 min manatı fiziki şəxslərin hesabına olub.
Sözügedən müddət ərzində ödənişli xidmətlərin dəyəri keçən ilə nisbətən 14 faiz artıb və 442 milyon 305,1 min manat təşkil edib. Onların 122 milyon 113 min manat hissəsi hüquqi şəxslər tərəfindən göstərilib. Bu da ümumi göstəricinin 27,6 faizini təşkil edir.
Ödənişli xidmətlərin 16,4 faizi dövlət, 83,6 faizi isə qeyri-dövlət mülkiyyətindən ibarət olub.
