Gəncə Ağır Cinayətlər Məhkəməsində yetkinlik yaşına çatmayan şəxsə qarşı seksual xarakterli zorakılıq hərəkətləri etməkdə təqsirləndirilən Qədim Namazlının (adı, soyadı şərtidir) cinayət işi üzrə məhkəmə prosesi başa çatıb.
Pravda.аz xəbər verir ki, sonuncu keçirilən prosesdə hökm oxunub.
Məhkəmənin hökmü ilə o, 13 il müddətinə azadlıqdan məhrum edilib.
İttihama görə, hadisə 2025-ci ilin fevral-mart aylarında Samux rayonu ərazisində yerləşən fermaların birində qeydə alınıb.
Belə ki, 1974-cü il təvəllüdlü Qədim Namazlı 2010-cu il təvəllüdlü yetkinlik yaşına çatmayan qızının birlikdə yaşadıqları fermadakı fərdi yaşayış evinin yataq otağındakı çarpayıda köməksiz vəziyyətindən istifadə edib. O, doğma qızına qarşı seksual xarakterli zorakılıq hərəkətləri edib. Bu hadisə iki dəfə baş verib.
Qeyd edək ki, Qədim Namzalı ailəsi ilə birlikdə fermada qalaraq çoban işləyirmış. O, məhkəmədə elan olunmuş ittiham üzrə özünü təqsirli bilməyərək qeyd edib ki, həyat yoldaşı ona şər atıb.
