Qazaxıstanlı musiqiçi Maksat Medeubek türk xalqlarına məxsus qədim simli musiqi aləti olan qopuzda maraqlı ifa ilə çıxış edib. O, gəncəli bəstəkar Ələkbər Tağıyevin bəstələdiyi və çoxlarının sevdiyi “Sən gəlməz oldun” mahnısını səsləndirib.
Gencexeber.az məlumat verir ki, Sosial şəbəkələrdə yayılan görüntülər qısa zamanda izləyicilərin marağına səbəb olub. Tamaşaçılar ifanı həm sənətkarlıq baxımından yüksək qiymətləndirib, həm də türk dünyasının musiqi irsinin bu cür təqdimatını təqdir ediblər.
Qeyd edək ki, qopuz – əsasən Orta Asiya türk xalqları arasında geniş yayılan qədim simli musiqi alətidir və dərin, emosional səslənməsi ilə seçilir. Bu alətdə Azərbaycan musiqisinin ifa olunması nadir hallardandır və Medeubekin çıxışı bu baxımdan xüsusi diqqət çəkib.
