Xəbər verdiyimiz kimi, Gəncədə yuxarı siniflərdə oxuyan məktəb şagirdi ilə bağlı həyəcanlı vəziyyət yaranıb.
Elçin adlı 10-cu sinif şagirdi təhsil ocağının daxilində nümayişkaranə şəkildə siqaret çəkir, digər yeniyetmələri təhqir edir, məktəbdə qarşıdurma və aqressiya mühiti yaradır. Sözügedən vəziyyəti əks etdirən görüntülər redaksiyamız tərəfindən ictimailəşdirilib.
Gencexeber.az-a Daxili İşlər Nazirliyinin (DİN) mətbuat xidmətinin Gəncə regional qrupunun baş inspektoru Eşqin Qasımov məlumat verib ki, görüntülərlə bağlı müvafiq tədbirlər görülüb. Aidiyyəti dövlət komissiyanın nümayəndələri ilə birgə polis əməkdaşları həmin məktəbə yollanıb:
“Şagird və onun valideyni ilə profilaktik iş aparılaraq, bu barədə protokol tərtib olunub”.
