Gəncə şəhər İcra Hakimiyyəti Mənzil Kommunal Təsərrüfatı İstehsalat Birliyinin (MKTİB) Yaşıllaşdırma şöbəsinin istixanalarında yerli mütəxəssislər tərəfindən yetişdirilən gül və kol bitkiləri Xan Bağını bəzəyəcək.
Gencexeber.az bildirir ki, hər mövsümdə Qafqazın ən qədim parklarından biri hesab olunan bağda müxtəlif bitki növlərinin qorunub saxlanılması, təbii yolla artımının təmin edilməsi məqsədilə MKTİB tərəfindən mütəmadi olaraq yaşıllıq aksiyaları keçirilir.
Parka payız mövsümünün gülləri və kol bitkiləri əkilib, mövcud yaşıllığa aqrotexniki qulluq göstərilib, suvarılması təmin edilib. Görülən işlərin məqsədi Xan Bağının ekoloji zənginliyini artırmaqdır.
