Gəncə idmançıları növbəti dəfə uğur qazanıblar. Bu haqda 29 dekabr tarixində Regional Gənclər və İdman İdarəsinə istinadən məlumat veririk.
Heydər Əliyevin 100 illik yubileyinə həsr olunan taekvondo üzrə Azərbaycan birincilikləri və çempionatı keçirilib. Burada kişi və qadın idmançılar mübarizə aparıblar. Onların arasında Nizami yurdunun təmsilçisi Sübhanə Katanova da olub.
Taekvondoçumuz 67 kiloqram çəki dərəcəsində II yerə layiq görülüb. O, gümüş medalla təltif edilib.
Qeyd edək ki, idmançımızın məşqçisi Vüqar Məmmədovdur.
