Gəncədə bıçaqlanmaya görə tutulan şəxsə oxunmuş hökmdən kassasiya şikayəti verilib. Bu haqda 26 fevral tarixində Oxu.az-a istinadən məlumat veririk.
21 yaşlı İlkin Zülfüqarov məhkəmənin qərarı ilə 5 il müddətinə azadlıqdan məhrum olunub. Hökmdən narazı olan şəxs kassasiyaya müraciət edib. Şikayət hakim Şahin Yusifovun sədrliyi ilə araşdırılacaq.
Məhkəmənin ilkin hazırlıq iclası 27 fevral tarixinə təyin edilib.
Xatırladaq ki, 20 fevral 2022-ci il tarixində 21 yaşlı İlkin Zülfüqarov saat 22 radələrində Şahlar Hüseynov küçəsində yerləşən Füzuli parkında 25 yaşlı Rəvan Məmmədovu bıçaqlayıb. Gənc qarın boşluğunun və kürək nahiyəsinin kəsilmiş-deşilmiş yaraları ilə xəstəxanaya yerləşdirilib və dərhal əməliyyat edilib, onun həyatı xilas olunub. Hadisənin “PubG” oyunu üstündə baş verdiyi bildirilirdi.
