Konstitusiya məhkəməsi seçkilərin nəticələrini təsdiqləyib. Bu haqda 13 fevral tarixində Konstitusiya Məhkəməsinə istinadən məlumat veririk.
Bu gün, fevralın 13-də Fərhad Abdullayevin sədrliyi ilə Konstitusiya Məhkəməsi Plenumunun iclası keçirilib. Burada 7 fevral tarixində baş tutmuş növbədənkənar Prezident seçkilərinin nəticələrinə dair Mərkəzi Seçki Komissiyasından daxil olmuş materiallar üzrə xüsusi konstitusiya icraatı qaydasında konstitusiya işinə baxılıb.
Məhkəmə hakimlərin məruzələrini, maraqlı subyektin qanuni nümayəndələrinin çıxışlarını, ekspertlərin rəylərini dinləyib, işin materiallarına baxaraq, seçkilərin yekunlarının təsdiq və rəsmən elan olunmasına dair qərar qəbul edib.
Konstitusiyanın 103-cü maddəsinə uyğun olaraq, 3 gün ərzində Prezidentin andiçmə mərasimi keçiriləcək.
