Növbədənkənar prezident seçkilərinin 93,35 faiz nəticəsi bəlli olub. Bu haqda 8 fevral tarixində MSK-ya istinadən məlumat veririk.
Mərkəzi Seçki Komissiyasının (MSK) sədri Məzahir Pənahov növbədənkənar prezident seçkilərinin ilkin yekun nəticələri ilə bağlı mətbuat konfransı keçirib. Burada 6537 seçki məntəqəsinin 6102-sindən alınan məlumatlar açıqlanıb.
Namizədlərin topladığı etibarlı səslər aşağıdakı kimidir:
- Lider namizəd İlham Əliyev - 4 milyon 281 min 625 səs (92,05 faiz);
- Fuad Əliyev - 24 min 799 səs (0,53 faiz);
- Qüdrət Həsənquliyev - 81 min 799 səs (1,76 faiz);
- Elşad Musayev - 31 min 33 səs (0,67 faiz);
- Fazil Mustafa - 92 min 980 səs (2 faiz);
- Razi Nurullayev - 37 min 386 səs (0,80 faiz);
- Zahid Oruc – 101 min 851 səs (2,19 faiz).
MSK-nın sədri qeyd edib ki, seçkilər çox yüksək səviyyədə keçirilib. Prosesdə Azərbaycan seçiciləri konstitusion hüquqlarını həyata keçirərək səs veriblər.
