Gəncədə dilənçiliklə məşğul olan şəxslərlə bağlı növbəti tədbir keçirilib. Bu haqda 10 fevral tarixində Daxili İşlər Nazirliyinə istinadən məlumat veririk.
Şəhər ərazisində tüfeyli həyat tərzi keçirənlər və dilənçilər saxlanılıblar. Baş Polis İdarəsinin və onun tabeli qurumlarının əməkdaşları sözügedən şəxslərlə bağlı profilaktiki tədbirlər aparırlar.
Keçirilən sonuncu tədbir zamanı şəhər ərazisində dilənçiliklə məşğul olan 48 nəfər saxlanılaraq, ərazi üzrə polis şöbələrinə gətiriliblər. Onlarla profilaktiki söhbətlər aparılıb və protokol tərtib edilib.
Daha sonra həmin şəxslər qeydiyyatda olduqları rayonlara göndəriliblər.
