Gəncədə bir sıra şəxslər silahları könüllü olaraq təhvil veriblər. Bu haqda 18 dekabr tarixində DİN-ə istinadən məlumat veririk.
Baş Polis İdarəsi və onun tabeli qurumlarının əməkdaşları qanunsuz saxlanılan silah-sursatın aşkarlanaraq götürülməsi və baş verə biləcək cinayətlərin qarşısının alınması məqsədilə əməliyyat-axtarış və profilaktiki tədbirlər həyata keçirir. Vətəndaşlarla müvafiq söhbətlər aparılaraq bildirilib ki, sənədləri olmayan odlu silahların könüllü təqdim edilməsi şəxsi məsuliyyətdən azad edir.
Tədbirlər nəticəsində 26 nəfər şəhər sakini müxtəlif marka və kalibrli ov silahlarını polisə könülllü təhvil veriblər. Hər bir silah müvafiq ekspertizaya təqdim olunub. Faktlarla bağlı araşdırmalar davam etdirilir.
Qeyd edək ki, Gəncə Şəhər Baş Polis İdarəsinin əməkdaşlarının keçirdikləri tədbirlər nəticəsində ümumilikdə 150 ədəd silah aşkarlanaraq götürülüb.
