“Polad kəndə toya gələndə məni görübmüş. Ancaq adımı, kimin qızı olduğumu öyrənməyə macal tapmadan hərbi hissəyə qayıdıbmış”.
Azxeber.cоm xəbər verir ki, bunu Şəhid Milli Qəhrəman, general-mayor Polad Həşimovun həyat yoldaşı Ofelya Salmanova bildirib.
İkinci dəfə idi məni görürdü, amma elə danışırdı ki, sanki dünən ayrılmışıq.“Gəncəyə gəlmişdim, dedim, bir gəlim səni də görüm. Hə, necəsən?”, - dedi.
O.Salmanova bildirir ki, 10-15 dəqiqə söhbət etdikdən sonra Polad Həşimov ona gümüş üzük uzadıb:
“Gör barmağına olur bu üzük?”, - dedi və getdi. Sanki mənə evlilik təklifi edib, “hə” cavabı alıb, qalıb üzük verməyi. Onun ardınca baxa-baxa qaldım. Sonra məni gülmək tutdu. Öz-özümə dedim ki, bu, əsl mən istədiyim insandır.. Nikah mərasimində mənə sual veriləndə ki, Poladın soyadını qəbul edirsiniz? Polad məndən əvvəl cavab verdi:
“Yox, dəyişməyəcək. Onun öz soyadı öz adına daha çox yaraşır. Onsuz da o, bir ömür mənim həyat yoldaşım olacaq”.
