Gəncə Dövlət Dram Teatrında yeni tamaşanın premyerası təqdim olunub. Bu haqda 15 fevral tarixində İcra Hakimiyyətinə istinadən xəbər veririk.
Əbdürrəhim bəy Haqverdiyevin “Pəri Cadu” tamaşasının premyerası baş tutub. Baş rollarda Əməkdar artistlər Sevda Orucova, Kəmalə Məmmədova, aktyorlar Günay Cabbarova, Sevinc Hüseynova, Ruslan Hüseynov, Emil Salmanov və Elmir Məmmədov iştirak ediblər. Tamaşanın rəssamı Mehdi Hüseynov quruluşçu rejissoru isə teatrın baş rejissoru Elşad Əhmədovdur. Səhnə işi magik rеalist bir əsərdir. Buradakı obrazlar tapdalanmış qürurlarını təmin etmək üçün ən son edilməyəcək olan işləri çox rahatlıqla edirlər və bəlalara uğrayıb məhv olurlar. Tamaşa nəfsinə məğlub olmuş Qurban, Hafizə xanım, Pəri, Səlimə kimi insanların taleyindən bəhs edir.
Premyerada Niyazi Bayramov, Recep Öztop, YAP Gəncə Şəhər Təşkilatının sədri Bayram Aslanov, ADAU-nun rektoru Zəfər Qurbanov, Regional Təhsil İdarəsinin müdiri Anar Qədiməliyev, Regional Gənclər və İdman İdarəsinin rəisi İntiqam Hüseynov, Regional Mədəniyyət İdarəsinin rəis əvəzi Pərvin Kazımov, Aparatın məsul əməkdaşları, ictimaiyyət nümayəndələri və şəhər sakinləri qonaq qismində iştirak ediblər.
