Gəncədə ticarət dövriyyəsinin rəqəmləri açıqlanıb. Bu haqda 10 fevral tarixində Fed.az-a istinadən məlumat veririk.
Şəhər Statistika İdarəsinin yaydığı məlumata əsasən, 2023-cü ilin yanvar-dekabr aylarında pərakəndə ticarət şəbəkəsində istehlakçılara 1 milyard 515 milyon 900 min manatlıq məhsul satılıb. Onlardan 749122,8 min manat ərzaq məhsulları, içkilər və tütün məmulatları, 766752,5 min manat isə qeyri-ərzaq mallarının payına düşür.
2022-ci ilin yanvar-dekabr ayları ilə müqayisədə pərakəndə ticarət dövriyyəsi real ifadədə 2,3 faiz, ərzaq məhsulları, içkilər və tütün məmulatları üzrə 17,6 faiz artıb, qeyri-ərzaq malları üzrə isə 8,9 faiz azalıb.
Həmin müddət ərzində istehlak mallarının 21,45 faizi ticarət müəssisələri, 63,04 faizi fərdi sahibkarlar tərəfindən,15,51 faizi isə bazar və yarmarkalarda satılıb.
2022-ci ilin yanvar–dekabr ayları ilə müqayisədə pərakəndə ticarət dövriyyəsi müəssisələr üzrə 7,5 faiz, fərdi sahibkarlar üzrə 8,3 faiz artıb, bazar və yarmarkalarda isə 4,8 faiz azalıb.
