Gəncədə narkotiklərlə bağlı hesabat hazırlanıb. Bu haqda 15 mart tarixində Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasına istinadən məlumat veririk.
Şəhərimizdə qeydiyyatda olan narkomanların sayı bəlli olub. Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının məlumatına əsasən, 2023-cü il ərzində 1248 nəfər narkotik alüdəçisi qeydiyyata alınıb. Bu göstərici 2022-ci illə müqayisədə 70 nəfər çoxdur.
Bundan başqa, 358 cinayət faktı üzə çıxıb. Nəticədə 117 kiloqram 670,8 qram narkotik vasitə və psixotrop maddə aşkarlanıb. Əməliyyatlar zamanı 214 nəfər cinayət məsuliyyətinə cəlb olunub.
Hesabata əsasən, şəhərdə hər min nəfərə 4 nəfər narkoman düşür.
