"Kəpəz" futbol komandası cari mövsüm Misli Premyer Liqasında ilk qələbəsini qazanıb.
Gencexeber.az məlumat verir ki, Azər Bağırovun rəhbərliyi altında kollektiv VIII turda "Şamaxı" ilə üz-üzə gəlib.
Qarşılaşma "sarı-göylər"in 4:1 hesablı qalibiyyəti ilə yekunlaşıb. Komandanın heyətində 34 və 39-cu dəqiqələrdə Fərid Nəbiyev, 67 və 85-ci dəqiqələrdə Luis Paçu fərqlənib.
Meydan sahiblərinin yeganə qolunu 11-ci dəqiqədə Sezar Enrike vurub. Onun komanda yoldaşı Abdullahi Şuaybu 45+1-ci dəqiqədə birbaşa qırmızı vərəqə alaraq meydandan qovulub.
Bu nəticədən sonra "Kəpəz" çempionatda ilk 3 xalını qazanıb. Hazırda komandamız sonuncu - 12-ci pillədə qərarlaşıb.
