Qətl hadisəsi qeydə alınıb.
Report.аz xəbər verir ki, Yevlax rayonunun Malbinəsi kəndində 1985-ci il təvəllüdlü Ruslan Mustafayev odlu silahdan açılan atəş nəticəsində qətlə yetirilib.
Onu tüfənglə qətlə yetirməkdə şübhəli bilinən isə həmkəndlisi 1957-ci il təvəllüdlü Əli Rəsulovdur.
Ə.Rəsulov polis əməkdaşları tərəfindən saxlanılıb və istintaqa təhvil verilib. Faktla bağlı araşdırma aparılır.
Xatırladaq ki, dünən axşam saatlarında Gəncədə axtarışda olan və əvvəllər dəfələrlə məhkum olunmuş 30 yaşlı Fərid Məmmədov polis əməkdaşlarına silahlı müqavimət göstərərək qaçmağa cəhd edib.
Nəticədə polis əməkdaşları tərəfindən xidməti tabel silahı tətbiq etməklə cəhdin qarşısı alınıb. Xəsarət alan şəxs xəstəxanaya yerləşdirilib, vəziyyəti qənaətbəxşdir.
