Gəncədə yanğın hadisəsi baş verib. Bu haqda 29 noyabr tarixində FHN-ə istinadən məlumat veririk.
Hadisə ümumi sahəsi 74 kvadratmetr olan birmərtəbəli obyektdə qeydə alınıb. Ofis, geyim və telefon aksesuarları mağazası kimi fəaliyyət göstərən tikilinin 4 kvadratmetr sahədə təsərrüfat otağında yanğın olub.
Nəticədə burada quraşdırılan 1 ədəd elektrik sayğacı, 3 p.m giriş-çıxış kabeli, içərisinə yığılan məişət əşyaları və 2 ədəd taxtadan ibarət qapı qismən yanıb. Yüksək temperaturdan lambirdən ibarət tavan əriyib.
Əraziyə Fövqəladə Hallar Nazirliyinin yanğından mühafizə bölmələri cəlb olunub. Alov söndürülüb. Obyektin qalan hissəsi yanğından mühafizə olunub.
