Xəbər verdiyimiz kimi, gəncəli Xalq artisti Şahnaz Haşımovanın 7-ci nəvəsi dünyaya gəlib.
Gencexeber.az-a açıqlamasında Azərbaycan musiqi sənətinin görkəmli nümayəndəsi, Xalq artisti Şahnaz Haşımova bildirib ki, Elşah adlı nəvəsi dünyaya gəldiyi Gəncə Şəhər Birləşmiş Xəstəxanasının nəzdində fəaliyyət göstərən Perinatal Mərkəzindən evə buraxılıb.
“Nəvəmi xəstəxanadan çıxardıq. Allah bütün balaları qorusun”, - Ş.Haşımova deyib.
Sevilən sənətkar təxminən 10 gün müddətində həmin tibb müəssisəsinin tibbi personalın nəzarətində saxlanılan uşağın sağlamlığına göstərilən diqqət və qayğıya görə səmimi qəlbdən həkim heyətinə təşəkkürünü bildirib.
Qeyd edək ki, Şahnaz Haşımova Azərbaycanın tanınmış muğam ustalarından biri olmaqla yanaşı, pedaqoji fəaliyyəti ilə də seçilir.
Sənətkar 1957-ci ilin 2 iyun tarixində Kirovabad (indiki Gəncə) şəhərində anadan olub. Şahnaz xanım “Azərbaycan SSR əməkdar artisti” (1989), “Azərbaycan Respublikasının xalq artisti” (2000) fəxri adlarına, Azərbaycan Respublikası Prezidentinin fərdi təqaüdünə (2016) və bir sıra mükafatlara layiq görülüb.
