Gəncə şəhər sakinləri polis tərəfindən saxlanılıblar. Bu haqda 19 dekabr tarixində Daxili İşlər Nazirliyinə istinadən xəbər veririk.
Polis əməkdaşları tərəfindən “Mercedes” və “Chevrolet” markalı avtomobillərin sürücüləri yol hərəkəti qaydalarını pozduqları üçün saxlanılıblar. Yoxlama zamanı narkotik vasitə qəbul etmələrinə dair şübhələr olduğundan onlar tibbi müayinədən keçiriliblər. Sübuta yetirilib ki, sürücülər narkotik vasitənin təsiri altında avtomobil idarə ediblər. Fuad Məmmədov və Roman Əliyev barəsində toplanmış materiallar məhkəməyə göndərilib.
Həmçinin yoxlama zamanı bir qrup gəncin özlərinə məxsus müxtəlif markalı avtomobillərlə qadağan olunmuş konstruksiya dəyişikliyi edərək digər hərəkət iştirakçılarına təhlükə yaratdığı məlum olub. Nəticədə həmin sürücülər saxlanılıblar və barələrində qanunamüvafiq tədbir görülüb. Qanunsuz dəyişikliklər aradan qaldırıldıqdan sonra nəqliyyat vasitələri istismara buraxılıb.
[modula id="51805"]
