Gəncədə bir sıra şəxslər narkotik üstündə saxlanılıblar. Bu haqda 23 fevral tarixində DİN-ə istinadən məlumat veririk.
Şəhər Baş Polis İdarəsi və onun tabeli qurumlarının əməkdaşları narkotiklərin qanunsuz dövriyyəsi ilə bağlı əməliyyat keçiriblər.
Nəticədə müxtəlif yollarla ölkə ərazisinə, həmçinin Gəncəyə gətirilmiş narkotik vasitələri satmaqda və yaymaqda şübhəli bilinən 30-dan çox şəxs saxlanılıb. Onların üzərində, avtomobillərində, yaşadıqları evlərdə və digər yerlərdə axtarış aparılan zaman müxtəlif narkotik vasitələr və güclü təsiredici gücə malik narkotik maddələr aşkar edilərək götürülüb.
Saxlanılanlar narkotik vasitələri sosial şəbəkələrdə tanımadıqları xarici ölkə vətəndaşlarından onlayn yolla şəxsi istifadələri ilə yanaşı, şəhər ərazisində satmaq və yaymaq məqsədi ilə əldə etdiklərini bildiriblər. Aralarında əvvəllər də törətdikləri analoji cinayətlərə görə məhkum olunmuş bir neçə şəxsin yaşadıqları evə baxış keçirilən zaman narkotik maddələrlə yanaşı, odlu silahlar da aşkarlanaraq götürülüb.
Onların hər biri barəsində cinayət işləri başlanılıb, istintaq tədbirləri aparılır. Saxlanılanların daxil olduqları narkoşəbəkənin digər üzvlərinin müəyyən edilməsi, həmçinin şəhər ərazisində narkotiklərin qanunsuz dövriyyəsi ilə məşğul olan digər şəxslərin tutulmaları istiqamətində Baş Polis İdarəsinin əməkdaşları tərəfindən əməliyyatlar davam etdirilir.
[modula id="55288"]
