Sabiq nazir müavini Gəncədə dünyasını dəyişib. Bu haqda 19 dekabr tarixində Apa-ya istinadən məlumat veririk.
Azərbaycanın müdafiə nazirinin sabiq müavini Mehman Səlimov vəfat edib. O, bu gün, 19 dekabrda səhər saatlarında Gəncədəki Mərkəzi Klinikada ağır pnevmoniya, ürək çatışmazlığından dünyadan köçüb.
Mehman Səlimov 1995-1999-cu illərdə müdafiə nazirinin siyasi və ictimai işlər üzrə müavini vəzifəsində çalışıb. Ona 2015-ci ildə Cinayət Məcəlləsinin 179.3.2-ci (mənimsəmə - külli miqdarda törədildikdə) və 308.2-ci (vəzifə səlahiyyətlərindən sui-istifadə etmə) maddələri ilə ittiham irəli sürülüb.
2016-cı ildə Bakı Ağır Cinayətlər Məhkəməsinin hökmü ilə o, 8 il müddətinə azadlıqdan məhrum edilib. 2019-cu ildə isə İlham Əliyevin imzaladığı əfv sərəncamı ilə azadlığa buraxılıb.
