Gəncə şəhər Mənzil Kommunal Təsərrüfatı İstehsalat Birliyinin (MKTİB) Yaşıllaşdırma və Təmizlik şöbəsi tərəfindən Abbas Səhhət adına 1 nömrəli şəhər xəstəxanasının Nevroloji terapiya şöbəsinin ərazisində təmizlik işləri görülüb.
Gencexeber.az MKTİB-ə istinadən bildirir ki, adıçəkilən ərazinin qurumun xidmət sahəsinə aid olmamasına baxmayaraq, təmizlik işləri qurumun öz təşəbbüsü ilə həyata keçirilib.
Belə ki, xəstəxananın həyətində həddən artıq çoxalan alaq otları biçilib, bir yerə yığılıb və birliyin texnikası vasitəsilə ərazidən daşınması təmin edilib. Mövcud yaşıllıq zolağına aqrotexniki qulluq göstərilib.
