Gəncə şəhər Mənzil Kommunal Təsərrüfatı İstehsalat Birliyi (MKTİB)
tərəfindən şəhərin Dəmir Yolu Vağzalının yaxınlığında yerləşən "Dəmiryolçular" parkında təmizlik işləri həyata keçirilib.
Gencexeber.az bildirib ki, ərazi sakinlərinin daha çox istirahət məqsədilə üz tutduqları park məişət tullantılarından, alaq otlarından və toz-torpaqdan, qurumuş yarpaqlardan təmizlənib.
MKTİB-nin canlı qüvvəsi və texnikası vasitəsilə park ərazisində yığılan tullantıların daşınması təmin edilib. Aksiya çərçivəsində istirahət məkanın ərazisində yerləşən Məmməd Əmin Rəsulzadənin büstü və II Dünya Müharibəsi Qəhrəmanlarının xatirə abidəsinin ətrafında da səliqə-sahman yaradılıb.
"Dəmiryolçular" parkında MKTİB tərəfindən mövcud yaşıllıq zolağına aqrotexniki qulluq göstərilib, suvarılması təmin edilib. Məişət tullantıları üçün qoyulan konteynerlər boşaldılıb, ətrafı təmizlənib. Qeyd edək ki, görülən təmizlik işləri əhalinin və Gəncənin qonaqlarının rahatlığını təmin etmək məqsədi daşıyır.
