Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən növbəti təmizlik aksiyası həyata keçirilib.
Gencexeber.az bildirir ki, qurumun Ərazi Xidmət Sahələri əməkdaşlarının və birliyin texnikaları vasitəsilə, Sadıllı qəsəbəsində, Atatürk və Şah İsmayıl Xətai prospektində, Ozan, Azərbaycan Bayrağı, Xəqani, Rəfibəyli, Adilxan Ziyadxanov və digər küçələrdə təmizlik işləri görülüb.
Aksiya çərçivəsində adıçəkilən ərazilər məişət tullantılarından, alaq otlarından, eləcə də toz-torpaqdan təmizlənib. Yığılan tullantıların ərazidən daşınması təmin edilib.
Sadıllı qəsəbəsindən keçən su arxında daşma təhlükəsinin qarşısını almaq məqsədilə suyun axınına mane yaradan tullantılar da bir yerə yığılaraq ərazidən daşınıb. Bununla paralel olaraq məişət tullantılarının atılması üçün nəzərdə tutulan müxtəlif tutumlu konteynerlər boşaldılıb, ətrafları təmizlənib.
