Mənzil Kommunal Təsərrüfatı İstehsalat Birliyinin (MKTİB) Ərazi Xidmət Sahələri əməkdaşlarının iştirakı ilə şəhərin Atatürk prospektindən Sidqi Ruhulla küçəsinə kimi olan ərazidə, həmçinin şəhər satdionunun ətrafı və Heydər Əliyev prospektinə parlel olan küçələrdə kompleks təmizlik işləri həyata keçirilib.
Gencexeber.az bildirir ki, MKTİB-nin canlı qüvvə və texnikalarının cəlb olunduğu aksiyada adıçəkilən ünvanlar toz-torpaqdan, kol-kosdan, alaq otlarından və məişət tullantılarından təmizlənib.
Ərazidə mövcud zibil konteynerləri boşaldılıb, ətrafında səliqə-sahman yaradılıb. Yığılan tullantıların ərazidən daşınması təmin edilib. Mövcud yaşıllıqlara aqrotexniki qulluq göstərilib, suvarılması təmin edilib.
