Xan bağında iki böyük şahmat taxtasının fiqurların olmaması səbəbi ilə istifadəsiz vəziyyətdə qalması barədə xəbər vermişdik.
Gencexeber.az-a Gəncə şəhər Mənzil Kommunal Təsərrüfatı İstehsalat Birliyinin (MKTİB) mətbuat xidmətində bildirilib ki, şahmat taxtası üzərindəki fiqurlarla bəzi məsuliyyətsiz sakinlərin ehtiyatsız davranışı zamanı onların zədələnməməsi üçün (hansı ki, bu hal bir neçə dəfə baş verib), həmçinin hava şəraiti nəzərə alınaraq, fiqurlar şahmat taxtasına yaxın bir ərazidə anbarda saxlanılır.
“İstənilən vaxt vətəndaş müraciət edərsə, həmin fiqurlar MKTİB-nin əməkdaşları tərəfindən əraziyə istifadə üçün hər hansı bir şərt olmadan düzülür. Təki gəncəlilər və şəhərimizin qonaqları sevilən istirahət məkanlarımızdan biri olan tarixi Xan bağında şahmat oyununa maraqları olsun”, - qurumdan bildirilib.
