Ümumi təhsil müəssisələrinin 2024–2025-ci tədris ili üzrə məzunlarının qızıl və gümüş nişanla təltifi haqqında əmrə əsasən, Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələrindən 4 nəfər məzun qızıl, 1 nəfər isə gümüş nişana layiq görülüb.
Gencexeber.az bildirir ki, onlardan 3-ü Gəncənin, digər iki nəfər isə Göygöl və Goranboyun şagirdləridir.
Qızıl medala layiq görülən məzunlar:
Gəncə şəhəri, 27 nömrəli məktəb liseyinin məzunu Hüseyn İsmayılov;
Gəncə şəhəri, İsmət Qayıbov adına 1 nömrəli məktəbin məzunu Ömər Namazov;
Göygöl rayonu, Balçılı kəndi Rizvan Tağıyev adına 2 nömrəli məktəbin məzunu Balakişiyeva Səma;
Goranboy rayonu, Mahmud Zeynalov adına Dəliməmmədli şəhər məktəbi məzunu Arif Əli.
Gəncə şəhəri, Nizami Gəncəvi adına 11 nömrəli məktəbin məzunu Osmanov Nazim isə gümüş medala layiq görülüb.
