Samux rayonunun Əhmədbəyli kənd sakini, Mirzəyeva Fidan İlqar qızı Dövlət İmtahan Mərkəzinin qəbul imtahanında yüksək nəticə göstərib.
Gencexeber.az məlumat verir ki, o, heç bir repetitor yanına getmədən 637 bal toplayıb.
Eltun İsgəndərov adına Əhmədbəyli kənd tam orta məktəbinin məzunu kiçik yaşlarından hüquqşünas olmaq arzusunu həyata keçirmək üçün əzmlə çalışıb. Nəticədə Fidan ixtisas seçimində yalnız bir bənd qeyd edərək Bakı Dövlət Universitetinin Hüquqşünaslıq ixtisasını seçib. Onun arzusu reallaşıb və Fidan dövlət sifarişi əsasında pulsuza qəbul olunub.
Bu nailiyyət bir daha sübut edir ki, əzmkarlıq, zəhmət və düzgün istiqamət hər bir hədəfə aparır. Fidanın uğuru həm müəllimlərinin əməyinin bəhrəsi, həm də bütün şagirdlər üçün motivasiya və ilham mənbəyidir.
