Gəncə şəhər Fizika, riyaziyyat və informatika təmayüllü liseyin beş məzunu universitetə qəbul olub.
Gencexeber.az-ın məlumatına əsasən, məktəbin məzunu Tural Mirzəliyev bir neçə nüfuzlu universitetlərdən qəbul alıb. Onun seçimi Çexiya respublikasında yerləşən Charles Universitetinin kompüter elmləri və süni intellekt fakültəsidir.
Digər məzun Əkram İsmayılzadə isə ADA universitetinin maliyyə fakültəsinə qəbul olunub.
Liseyin 3 məzunu isə Böyük Britaniyanın nüfuzlu ali təhsil müəssisələrindən biri olan Edinburq Universitetinə qəbul olub.
Belə ki, Alim Hacıyev universitetin kompüter elmləri və riyaziyyat, Leyla Hacızadə süni intellekt və kompüter elmləri, Ayan Kərimova proqram təminatı mühəndisliyi fakültələrində ali təhsil alacaqlar.
