Gəncə Ağır Cinayətlər Məhkəməsində qəsdən sağlamlığa ağır zərər vurmada təqsirləndirilən Namaz Qədiməliyevin cinayət işi üzrə məhkəmə prosesi başa çatıb.
Pravda.аz xəbər verir ki, hakim Abdulla Məmmədovun sədrliyi ilə keçirilən prosesdə hökm oxunub. Məhkəmənin hökmü ilə o, 4 il müddətinə azadlıqdan məhrum edilib.
İttihama görə, hadisə 14 iyul 2024-cü ildə, saat 06:00 radələrində Qazax şəhərinin N.Nərimanov küçəsi 1 ünvanında yerləşən "Qazax Mal Bazarı" adlanan heyvan bazarında qeydə alınıb.
Belə ki, 1982-ci il təvəllüdlü Namaz Qədiməliyev şəxsi münasibətlər zəminində baş vermiş mübahisə zamanı qəsdən bıçaqla 1981-ci il təvəllüdlü Adil Nəbiyevi vuraraq ağır xəsarət yetirib və hadisə yerindən qaçıb.
Keçirilən əməliyyat-axtarış tədbirləri nəticəsində Namaz Qədiməliyev Ağstafa rayonu Vurğun qəsəbəsində saxlanılaraq istintaqa təhvil verilib.
