Sosial şəbəkələrdə Bakı-Qazax magistral avtomobil yolunun Gəncə şəhərindən keçən hissəsində bir yol nişanından yanaşı iki ədəd quraşdırılması ilə bağlı görüntülər yayılıb. Bu da vətəndaşlarda çaşqınlıq yaradıb.
Məsələ ilə bağlı avtosfer.аz-a Baş Dövlət Yol Polisi İdarəsindən bildirilib ki, ölkə rəhbərliyinin tapşırığı əsasında bütün magistral yolların kənarında nişanlar dəyişdirilir:
"Dəyişdirilmə prosesi bir neçə qurum tərəfindən həyata keçirilir. Yəni, Azərbaycan Yerüstü Nəqliyyat Agentliyi yeni nişanları quraşdırıb. Azərbaycan Avtomobil Yolları Dövlət Agentliyi isə köhnə nişanları çıxarmalıdır. Ola bilsin ki, proses zamanı müəyyən gecikmələr baş verir və nəticədə belə bir mənzərə ortaya çıxır".
