Gəncədə məktəblilər imtahan veriblər. Bu haqda 11 mart tarixində Kəpəz televiziyasına istinadən xəbər veririk.
Ümumtəhsil müəssisələrinin məzunları üçün tam orta təhsil səviyyəsi üzrə buraxılış imtahanı keçirilib. Burada Azərbaycan dili, riyaziyyat və xarici dil fənlərindən ümumilikdə 85 sual təqdim edilib. Dövlət İmtahan Mərkəzi tərəfindən təşkil olunan imtahan Gəncə daxil olmaqla 33 şəhər və rayonda baş tutub.
8 binanı əhatə edən prosesdə 1858 şagird iştirak üçün ərizəsini təsdiqləyib. İmtahana 23 rəhbər və 162 zal nəzarətçisi nəzarət üçün cəlb olunub. 44 nömrəli təhsil ocağının imtahan rəhbəri Baloğlan Nəcəfovun sözlərinə görə, imtahanda ümumilikdə heç bir qayda pozuntusu və ya neqativ hal baş verməmişdir.
