Gəncədə müəllimlər üçün imtahan təşkil olunub. Bu haqda 31 avqust tarixində Regional Təhsil İdarəsinə istinadən xəbər veririk.
Ümumi təhsil müəssisələrində çalışan müəllimlərin sertifikatlaşdırılması prosesinin test imtahanı mərhələsi keçirilib. Burada gün ərzində 400-dən çox ibtidai sinif, Azərbaycan dili və ədəbiyyat müəllimi iştirak ediblər. İmtahan 120 dəqiqə davam edib və hər pedaqoqun tədris etdiyi fənn üzrə ümümi 60 sual təqdim olunub. Hər düzgün cavab 1 balla qiymətləndirilir. Test imtahanında azı 30 bal toplamış müəllimlər imtahanı keçmiş hesab edilirlər.
Qeyd edək ki, Nazirlər Kabinetinin müvafiq qərarına əsasən, sertifikatlaşdırmanın nəticəsinə uyğun olaraq, tədris edilən dərs saatına görə test imtahanı mərhələsində 50 baldan yuxarı nəticə göstərən müəllimlərin vəzifə maaşına 35 faiz, keçid balını toplayan müəllimlərin vəzifə maaşına isə 10 faiz aylıq əlavələr olunacaq.
