Goranboy Şahmat Məktəbində Gəncə-Daşkəsən Regional Gənclər və İdman İdarəsinin Goranboy rayonu üzrə gənclər və idman sektorunun və UGİŞM-nin birgə təşkilatçılığı ilə "Konstitusiya və Suverenlik İli"nə həsr olunmuş əmək kollektivləri arasında dama idman növü üzrə Goranboy rayon turniri keçirilib.
Gencexeber.az regional idarəyə istinadən məlumat verir ki, yarışda 2 nəfəri qadın iştirakçısı olmaqla 26 nəfər idarə, müəssisə və təşkilat əməkdaşları mübarizə aparıblar.
Yarışın sonunda I yerə Goranboy Gənclər Evinin könüllüsü Həsən Əmirov, II yerə Goranboy Uşaq Gənclər İdman Şahmat Məktəbinin məşqçi-müəllimi Rəşad Xəlilov, III yerə isə Goranboy 1 saylı Mediasiya Təşkilatının mütəxəssisi Hikmət Cəfərov layiq görülüblər.
Sonda isə qaliblər diplomlarla mükafatlandırılıblar.
