Ailə, Qadın və Uşaq Problemləri üzrə Dövlət Komitəsinin sədri Bahar Muradova Elgün hadisəsindən sonra Gəncədə onunla eyni məktəbdə yeniyetmələrin başına gələn faciələrlə bağlı suala münasibət bildirib.
Teleqraf.аz xəbər verir ki, komitə sədrinin sözlərinə görə, bu hadisələrlə bağlı suallara cavab tapılmalıdır:
"Bizim hər birimizin buna bir cavabı olmalıdır. Çünki cəmiyyətdə belə hadisələr baş verəndə ona laqeyd qalmaq olmaz. Belə faciələrin baş verməsi cəmiyyətə ziyan vurur. Biz bunun baş verməməsi üçün çalışmalıyıq.
Həm məktəb, həm buna bağlı digər sahələr məsuliyyət daşımalı, araşdırma aparmalıdırlar. Açıqlamalarında ehtiyatlı olmalıdırlar. Bu haqda fikir bildirərkən vəziyyətə necə təsir edəcəyini düşünməlidirlər. Çünki sahə ciddi şəkildə məsuliyyətli yanaşma tələb edir. Təbii ki, cinayət varsa məsuliyyətə cəlb olunma işləri aparılmalıdır".
