29 yaşlı kişi mobil oyun zamanı tanış olduğu məktəbli qızı qaçırıb.
Gencexeber.az-ın məlumatına görə, hadisə Goranboy rayonunun mərkəzində qeydə alınıb. Belə ki, 9-cu sinifdə oxuyan Sevinc adlı qız telefonuna “Weplay” oyunu yükləyərək oynamağa başlayıb. Məktəbli oyun zamanı Bakı şəhərində yaşayan Namiq adlı kişi ilə tanış olub. Bir müddət danışdıqdan sonra onlar arasında sevgi münasibəti yaranıb.
Kişi qızı görmək üçün bir neçə dəfə Bakıdan Goranboy rayonuna gəlib. Görüş zamanı Namiqlə Sevinc cinsi münasibətdə olublar. Namiq məktəbli qızı sevdiyi üçün qaçırmaq qərarına gəlib. Sevincin razılığı ilə onlar Abşeron rayonunda məskunlaşıblar.
Valideynlərin axtarışlarından sonra qızın yeri hüquq mühafizə orqanları tərəfindən müəyyən edilərək ailəyə təhvil verilib. Namiq isə cinayət məsuliyyətinə cəlb edilib.
Goranboy rayon məhkəməsində keçirilən iclasda ifadə verən təqsirləndirilən şəxs Sevinci zorla qaçırmadığını, hər şeyin onun razılığı əsasında olduğunu bildirib.
Zərərçəkmiş Sevinc isə bunun əksini deyib. Onun sözlərinə görə, Namiqi sevsə də, onunla cinsi münasibətdə olmaq istəməyib.
Məhkəmənin yekun qərarı ilə Namiq təqsirli bilinərək 2 il müddətinə azadlıqdan məhrum etmə cəzasında məhkum edilib.
Fidan İlqar
