“Kəpəz” futbol klubu yeni oyunçu cəlb edib.
Gencexeber.az-a klubun mətbuat xidmətindən verilən məlumata əsasən, “Kəpəz” PFK Şakir Seyidovla iki illik müqavilə imzalayıb. Müdafiəçi mövqeyində çıxış edən futbolçu yenidən komandanın heyətində yer alacaq.
Xatırladaq ki, Şakir Seyidov 2023/2024 mövsümündə də “Kəpəz”in şərəfini qoruyub. Həmin dövrdə “Sabah” klubundan icarəyə götürülmüş futbolçu 28 oyunda meydana çıxıb və 1 qolun müəllifi olub. Onun son klubu məhz “Sabah” idi.
