Futbol üzrə Premyer Liqanın ilk oyununda “Sumqayıt”a böyük hesabla (0:3) uduzan "Kəpəz"in acı məğlubiyyəti gəncəli azarkeşlərin səhhətinə belə təsirsiz ötüşməyib.
Gencexeber.az bildirir ki, bununla bağlı tanınmış "Kəpəz" tərəfdarı Ceyhun Əliyev sosial şəbəkədə müraciətini paylaşıb.
Məğlubiyyətə üzülən kişinin təzyiqi yüksəlib və ürəyində narahatlıq yaranıb. O, tibbi müdaxilədən sonra vəziyyətinin sabitləşdiyini, lakin həkimlərin nəzarətində olduğunu bildirib.
Qeyd edək ki, "Kəpəz" tərəfdarı kimi tanınan Ceyhun Əliyev həmçinin "Patriot News.az" saytının rəhbəri, eləcə də Gəncə Qarabağ qaziləri Birliyinin sədr müavinidir.
