Gəncədə evlərdən birində tüstülənmə olub. Bu haqda Gencexeber.az-a 29 mart tarixində məlumat daxil olub.
Hadisə şəhərin “Keçəllər” adlanan ərazisində, Vaqif küçəsində qeydə alınıb. Fövqəladə Hallar Nazirliyinə tüstülənmə ilə bağlı məlumat verilib. Əraziyə qurumun yanğından mühafizə bölmələri cəlb edilib.
Sözügedən ünvana gələn əməkdaşlar orada 73 yaşlı Nazim adlı vətəndaşı ölü vəziyyətdə aşkar ediblər. Onun üzərində yatdığı döşəyin kiçik bir hissəsinin siqaretdən alışdığı üzə çıxıb.
İlkin məlumata görə, hadisəyə səbəb mərhumun sağlamlığında anidən yaranan problem olub. Ehtimallara əsasən, vətəndaş siqaret çəkən zaman halı pisləşib və oradaca dünyasını dəyişib. Əlindəki siqaret isə döşəyin üzərinə düşərək tüstülənmə yaradıb. Bunu görən şəxslər isə aidiyyəti quruma məlumat veriblər.
