Gəncə təmsilçisi daha iki üzvü ilə yollarını ayırıb. Bu haqda 9 yanvar tarixində futbol klubuna istinadən məlumat veririk.
“Kəpəz” PFK-nın Əli Səmədov və Zahid Mərdanovla mövsümün sonuna qədər olan müqavilələrinə qarşılıqlı razılıq əsasında xitam verilib.
Gəncə futbolunun yetirmələri olan yarımmüdafiəçilərin komanda ilə sağollaşması azarkeşlər tərəfindən birmənalı qarşılanmayıb. Şərhlərdə futbolsevərlərin əksəriyyəti məyus olduğunu və qərarla razı olmadığını bildiriblər.
Xatırladaq ki, daha öncə klub İranlı müdafiəçi Peyman Keşavarzi ilə müqaviləyə xitam vermişdi.
