İsraildə yaşayan əslən Gəncədən olan xanım İran-İsrail qarşıdurmasından danışıb.
Gencexeber.az-a uzun müddətdir İsraildə yaşayan keçmiş Gəncə sakini xanım hazırkı vəziyyətlə bağlı danışıb. Onun sözlərinə görə, qarşılıqlı raket zərbələrinin ardı kəsilmir.
“Burada vəziyyət bildiyiniz kimidir. Müharibə davam edir, şəhərlərə raketlər atılır. Müharibənin bitməsini arzulayırıq.”
Qadın əlavə edib ki, hazırda ailəsi ilə birlikdə evlərini tərk etməyiblər: “Biz öz evimizdəyik, şəhəri tərk etməmişik.”
Qeyd edək ki, İranda və İsraildə vəziyyət son günlərdə daha da gərginləşib. Raket hücumları nəticəsində mülki əhali arasında çoxsaylı itkilər var.
